Na post hii machozi yakinilengelenga, ana ukimwi halafu kambaka mtoto wa miaka mitano!!

Mzazi jitahidi kadri uwezavyo kuhakikisha kuwa kila wakati mwanao yuko kwenye uangalizi, jamani.

MAHAKAMA ya Hakimu Mkazi Wilaya ya Nzega mkoani Tabora imemhukumu kifungo cha maisha Kashindje Shija (50), baada ya kupatikana na kosa la kumbaka mtoto mwenye umri wa miaka mitano.

Akisoma hukumu hiyo mwishoni mwa wiki, Hakimu Mkazi wa Mahakama ya Wilaya ya Nzega Joseph Ngomero, alisema kuwa, kutokana na ushahidi uliotolewa mahakamani hapo, amelazimika kutoa hukumu hiyo ili iwe fundisho kwa watu wengine wanaokusudia kufanya vitendo kama hivyo.

Hakimu Ngomero aliongeza kwa kusema kuwa, kutokana na kitendo cha kinyama alichokifanya Shija cha kumbaka mtoto mwenye umri wa miaka 5, mahakama hiyo imelazimika kumhukumu kifungo cha maisha jela.

Awali Mwendesha Mashitaka wa Serikali wilayani Nzega Melito Ukongoji aliiambia mahakama hiyo kuwa, mnamo Mei 19, 2014 katika Kijiji cha Kidete wilayani Nzega saa 8 mchana, Shija alifumaniwa chini ya mti wa mwembe akiwa anambaka mtoto huyo.

Aidha Melito aliongeza kuwa kutokana na kitendo alichokifanya mtuhumiwa kilimsababishia mtoto huyo maumivu makali katika mwili wake pamoja na kutoka damu nyingi.

Mwendesha Mashitaka huyo, aliiomba mahakama hiyo kutoa adhabu kali ili iwe fundisho kwa watu wengine wenye tabia kama hizo kutokana na kitendo kilichofanywa na mtuhumiwa cha kumbaka mtoto mwenye umri wa miaka 5.

Kabla ya hukumu hiyo kutolewa, mahakama hiyo 

ilitoa nafasi ya utetezi kwa mtuhumiwa ambapo 

aliiomba mahakama hiyo kumpunguzia adhabu 

kutokana na kuwa mwathirika wa virusi vya Ukimwi.
Chanzo: Habari Leo