NAMNA YA KWENDA NA WAKATI KWENYE MAPAMBO YA NYUMBANI NA KWA GHARAMA NAFUU

Kubadilisha muonekano wa nyumba yako kila baada ya kipindi sio tu kwa ajili ya umaridadi bali pia ni katika kukabiliana na matakwa ya familia yako inayokua. Kama ni mtoto mchanga anakua kuelekea kuwa mtoto mdogo na hatimaye “tineja”. 

Kadri familia inavyokua ndivyo mabadiliko yanavyohitajika, mahitaji ya nyumba inabidi yabadilike kuendana na mahitaji ya familia iliyokua. Na hapa ndipo swala la kwenda na wakati kutokana na staili na mitindo ya mapambo ya nyumbani linaingia.

Kupamba kwenda na wakati inafanya nyumba yako kuzidi kuwa mahali pazuri pa kuishi na kukuza vipaji vilivyoko ndani ya familia. Pia nyumba inakuwa na muonekano wa mahali pa amani na patakatifu panaporuhusu familia yako kuburudika baada ya siku ndefu wakiwa nje ya nyumbani.

Mwenye nyumba anaweza kuenda na wakati wa mapambo ya nyumbani bila kutumia gharama kubwa. Anachotakiwa kuwa nacho ni ubunifu, kufanya utafiti mwingi na kutia bidii kutengeneza mazingira ambayo familia yake inaweza kuishi na kukua. Zifuatazo ni njia ambazo wewe mwenye nyumba unazoweza kuzifuata na kwenda na wakati katika mapambo ya nyumbani bila nguvu wala gharama kubwa.

Peleleza uwezekano uliopo. Kuna chaguzi na mitindo mingi ya kuchagua linapokuja swala la kupamba nyumba yako. Usibanwe na manthari iliyopo kwenye nyumba yako kwa wakati husika. Kupaka rangi mkono mmoja tu kunaweza kubadili muonekano wa chumba, hata hivyo mabadiliko madogo kama hayo hayawezi kuleta matokeo yote unayotataka. Angalia ndani ya nyumba yako na utashangazwa na maeneo mengi ambayo yamebaki bila kuguswa na pia maeneo ambayo yakibadilishwa yatabadilisha jinsi unavyoishi. Nyumba yako ni hazina na ina sehemu nyingi sana ambazo hazijafanyiwa kazi. Zipeleleze na ufanye jambo.

Kuwa mbunifu kwa kupamba kwa chochote. Kwa mfano kuna watu wameweza kupamba bustani za nyumba zao kwa kutumia matairi yaliyochakaa. Matairi haya yamekuwa yakipakwa rangi kali kama vile za nyekundu au chungwa na kuwezesha kubadili kabisa muonekano wa bustani.

Katika hili mwenye nyumba anafanikiwa kuleta matokeo makubwa kwa gharama na nguvu ambayo bila shaka ni ndogo sana.Kuna vitu vinazunguka nyumbani kwako kwa mfano chupa na vingine vingi  ambavyo vinasubiri ubunifu na kipaji chako cha kuvitumia kwa kupamba.

Soma makala kama hizi na tembelea mitandaoni kupata mawazo mapya juu ya mabambo ya nyumbani. Kila mara nenda na wakati kufanhamu juu ya nini kipya kwenye mapambo ya nyumbani. Utashangazwa na jinsi wenye nyumba wengine wanavyoweza kuwa wabunifu kwa kazi za mapambo ambazo wanaweza kufanya wenyewe bila kushirikisha mtaalam.

Shirikisha familia yako kwenye upambaji. Watie moyo watoto wako washiriki, wanaweza kuwa na mawazo mazuri sana juu ya muonekano wa vyumbani mwao na sebuleni. Hii ni kwasababu wao ndio wanakaa humo kwa hivyo wanajua wanahitaji kuongeza au kupunguza nini. Pia huenda wametembelea kwa marafiki zao na kukutana na vitu vipya walivyovipenda. Utapata nafasi pia ya kugundua vipaji vya sanaa walivyo navyo wanafamilia wako ambavyo pengine vilijificha. Kufanya kazi na familia nzima kwa shuhuli za kupamba nyumba ni uzoefu wa kumbukumbu nzuri.

Je, unauza bidhaa au huduma inayohusu nyumba na bustani ambayo unataka Watanzania waijue? Nijulishe simu/whatsapp 0755200023