Ian CAR WASH Update

before

after

kama ni chafu...tunaifanya iwe zaidi ya mpya!

Vijimambo!

competitors of miss bumbum Brasil 2012 looking for the cutest bottom! naona hili shindano pia likitokea bongo siku zijazo kadri ya utandawazi..sijui watz watalaanije!

wrap dress

green velvet wrap dress. watu wengi wanaogopa nguo za velvet hasa bongo labda ni kwa ajili ya joto ila unaweza vaa hata mikono mifupi badala ya mirefu.

My Article for Newspaper: Nguo ya mama mzaa chema

Mchakato wa kupata gauni la mama wa bibi harusi.

Kama wewe ni mama, kati ya matukio yenye furaha zaidi ambayo utapenda Mungu akuonyeshe ukiwa hai ni siku ya harusi ya bintiyo. Mara binti anakuambia mama nataka kuolewa. Hongera! Kuna harusi mbele yako. Siku ambayo binti anaolewa na mwanaume wa ndoto zake inaleta machozi ya furaha kwa mama yeyote mzaa chema. Kwa furaha yote unayokuwa nayo na mipango yote unayoanza kupanga kumbuka tu kuwa ni harusi ya bintiyo na sio yako. Ana mipango na mawazo yake mwenyewe ambavyo angetaka harusi yake iwe.
Sio siri kuwa siku ya harusi ni siku kubwa kwa bintiyo. Lakini usisahau kuwa ni siku yako pia. Utakaa na marafiki zako na familia yako mpya. Utapigwa picha na hata utapata nafasi ya kucheza mziki na mtoto wako wa kiume mpya (bwana harusi). Na  cha muhimu katika yote unashuhudia binti yako akienda kwa mume kuanza maisha mapya.

Kabla hujasema ndio kwa gauni fulani hakikisha linashinda vigezo vyako mwenyewe. Nguo yako mama mzaa chema inatakiwa kuwa kama iliyoshonwa maalumu kwa ajili yako kwa maana ya urefu, ikukae vyema na zaidi ya yote ipitishwe na bibi harusi. Pia nguo hii ikufanye uonekane mrembo. Ni siku yako ya kung’ara pia. Makala hii inakupa mawazo ya kukusaidia mama mzaa chema kupata nguo ya kuvaa siku hiyo maalum maishani.

Kwanza, vaa nguo inayokukaa vizuri, isipwaye--bila hata kujali rangi hili ndio muhimu zaidi. Tengeneza muonekano mzuri kwa kuvaa nguo yenye kiuno au hata iliyounganishwa chini ya kifua na ikamwagika vyema. Huna haja ya kuvaa mburuzo kwa kuwa unaweza kuwa kero kwenye kucheza na kutembea.

Linapokuja swala la viatu vya siku hiyo chagua vya rangi kama ya silva na epuka ile sare sare gauni na viatu. Viatu vya kamba vinafaa zaidi wenye umri mdogo. Chagua kiatu chenye kisigino cha urefu wa wastani. Pia usisahau vitupio kama hereni, bangili na mkufu mnene wa kuvuta jicho. Hakikisha uvaaji haukusumbui wakati wa kusalimiana na kukumbatiana na marafiki wanaokupongeza.

Vaa kuendana na umri. Vazi lenye mikono ya urefu wowote linakubalika zaidi kulinganisha na ambalo halina mikono. Vinginevyo ukichagua kuvaa lisilo na mikono basi tupia na kimtandio au kikoti kidogo kwa juu.  Ungaro ungaro ukizidi unaweza usikupendeze kwa umri wako, kumbuka unakuwa mwanamitindo wa hilo vazi kwa ajli ya binti yako. Atataka kweli kukuona mama yake ukiwa umependeza. Kama binti anakubaliana na mama kuwa mabega wazi sawa, ila kama anaogopa vichwa kukugeukia kutokana na uvaaji usiozingatia umri na pengine kumfunika acha awe mchoyo. Ni siku yake sio yako. Inawezekana kabisa kupendeza bila kuacha sehemu kubwa ya mwili wazi.

Rangi zilizokolea zinaendana na umri mkubwa. Kiukweli bintiyo akiwa anaweka sahihi kwenye cheti cha ndoa mama unakuwa na hisia mbalimbali. Unaanza kuwaza tokea akiwa mchanga na kihuzuni kinapenya kwenye mifupa yako lakini mara rangi ya nguo yako inakupa tumaini/ mng’ao moyoni. Gauni lako lisifanane na la wasimamizi wa harusi. Ni vizuri kupata ushauri wa rangi toka kwa bibi harusi ili usijevaa rangi ambayo imekuwa tofauti sana na rangi za harusi. Pamoja na kuwa rangi ya gauni lako haifanani na ya wasimamizi ila ni vyema ziwe rangi za familia moja. Inashauriwa kuwa mama mzaa chema aepuke gauni la rangi nyeupe (ni bibi harusi tu anatakiwa kuvaa rangi hii). Vile vile, nyeusi inakataliwa; laa kama maharusi wamependa hivyo kwa kuwa inachukuliwa ni rangi ya maombolezo. Wasiliana na bibi harusi kama kuna rangi maalum za harusi.

Kwa kawaida mama wa bibi harusi ananunua gauni kwanza na ndipo anapomwendea mama wa bwana harusi mtarajiwa kiupole na  kumwambia juu ya chaguo lake la nguo. Maelezo utakayompa yatamsaidia kujua avae nguo ya namna gani. Hata hivyo mawasiliano haya yanatofautiana kutokana na familia. Unaweza pia ukaenda manunuzi na mama wa bwana harusi mkachagua pamoja kwa ladha yenu. Kujenga uhusiano huu wa mwazoni itasaidia sana familia zenu mbili huko mbeleni hasa watoto watakapopatikana.

Nyie wamama wawili mvae kila mmoja apendeze kwa ladha yake kwa kuwa sio mashindano. Wala mmoja asionekane kuwa kiongozi au bosi juu ya mwingine kwa suala la mavazi ya siku hiyo. Hata hivyo mama wa bwana harusi huenda akakushukuru wewe mama wa bibi harusi kwa kumpa dondoo za nguo utakayovaa. 

Kwa familia zenye talaka mama wa binti usijali kuhusu mama wa kambo wa bwana harusi. Bwana harusi mwenyewe ataongea na huyo mama yake mlezi kumtaarifu juu ya mavazi. Usimkwaze mama mzazi wa bwana harusi kwa kuonekana unaungana na mke wa mtalaka wake.

Makala hii imeandaliwa na Vivi O. Machange 0755 2000 23

Kijimambo!

Wakati sisi hapa Ian Car Wash tuna promotion ya ukija kuosha gari mara 9 ya kumi ni BURE wenzetu huko Malaysia wanasema ukiosha mara 9 ya kumi unapewa ngono bure!

Soma hapa ujionee vituko duniani.. Source: mitandaoni

" Police in Malaysia have clamped down on a promotion in which car wash customers were offered free sex after their ninth visit.

The unusual reward programme was born out of a partnership between a car wash and a massage parlour, police told the Malay Mail.

Officers discovered the hook up when they raided the massage parlour, in Kuala Lumpur, and found several customers had reward cards for the car wash.

"To get the extra offer, customers had to send their cars for washing nine times within a certain period," Officer Emmi Shah Fadhil said. "The tenth car wash entitled them to free sex."

Four men suspected of running the massage parlour and nine Vietnamese women, believed to be prostitutes, were arrested."

My Article for Newspaper: Picha na fremu za ukutani

Mapambo ya picha na fremu kwenye kuta za nyumba unayoishi

Labda una picha nyingi zinazosubiri kutundikwa ukutani na unataka kupata dondoo ya jinsi ya kuzitundika. Makala hii itakuelimisha jinsi ya kupanga sanaa ya picha na fremu ukutani na kutengeneza mandhari ya ladha yako.
Kanuni kuu ni kuwa fremu na picha zitundikwe kwa urefu wa usawa na macho yako ukiwa umesimama au kiasi cha futi tano toka sakafuni. Kama kuta ni ndefu basi tundika picha juu kidogo zaidi. Ni muhimu kuchagua fremu na picha nzuri ili kuleta uchangamfu kwenye kuta. Swali laweza kuwa ni kwa vipi na wapi sanaa hizi zaweza kutundikwa ukutani? Jibu ni kuwa jiulize ni maeneo gani ya ukutani ungependa macho yaelekee.

Kutundika sanaa na picha ukutani ni njia bora ya kuunda sehemu ya kuelekeza macho. Kazi hii inahitaji mpango wa muda na inashauriwa upange picha na sanaa zako za fremu sakafuni kwanza uone ni muonekano gani unapenda. (Kwa njia hii unaweza kusogeza kupanga unavyotaka bila kuacha matobotobo ukutani!) Siri kuu ya mafanikio ya zoezi hili ni kupanga kwa kuleta uwiano. Baada ya kuridhika na mpangilio ulivyo sakafuni basi ni wakati wa kuhamishia ukutani. Tumia futi kamba kupima msatari wa eneo unalotaka kutundika kuona kuwa kuna uwiano. Kwa mfano kwa picha nne zenye fremu ndogo kushoto mwa fremu kubwa zinaleta uwiano na fremu mbili za saizi ya kati kulia kwa hiyo picha kubwa. Daima kumbuka uwiano hata kwenye kuta za chumba au ujia, usijaze mapambo ukuta mmoja na kuta nyingine zikabaki tupu kwani uwiano kwenye chumba chote utakuwa umepotea.

Tundika picha za kumbukumbu ya tukio fulani ama za familia pamoja kutengeneza staili ya kipekee. Weka picha hizo kwenye fremu za rangi moja tuseme nyeusi au rangi ya mati. Chagua ukuta halafu weka picha au fremu tatu zinazolingana ukubwa katikati ili kutengeneza eneo la kuelekeza macho, baada ya hapo ongeza mistari mingine ya picha juu na chini ya hizo tatu kwa kila fremu kuwa umbali wa inchi moja hadi mbili. Staili hii  ni nzuri kama hapo mbeleni utaamua kuongeza picha hapa na pale. Tundika karibukaribu kufanya kundi moja la fremu na picha ukutani.

Picha za ukuta wa ngazi kama unaishi kwenye nyumba ya ghorofa mpangilio wake una chagamoto kidogo wa kuja na muonekano sahihi. Ila kanuni kuu ni kuwa muonekano wa picha na fremu zilizotundikwa uendane na umbo la zile ngazi. Yaani picha ziwe zinaongezeka kwa kwenda juu mwelekeo wa ngazi. Picha hizi zikipangiliwa vizuri huwa ni pambo la ukutani lenye kuvutia na la muonekano wa kipekee. Watu wazima wengi wanaoishi kwenye nyumba za ghorofa wanapendelea kuweka picha za harusi za watoto wao kwenye ukuta wa ngazi japo wanapozeeka wanashindwa hata kupanda huko juu!

Tundika picha fulani kwenye ukuta wa sehemu fulani kama ifuatavyo:-

Kwenye kuta kubwa:  Kuta kubwa ni kama zile za kwenye ujia, ngazi au sebule. Ili kuleta ladha kwenye kuta hizi ipe kila picha nafasi ya kupumua. Kwa mfano kama ni kwenye ngazi weka picha moja halafu ruka ngazi mbili weka ya pili. Picha na fremu kubwa zinapendeza kwenye kuta kubwa na kama hauna uhakika juu ya picha gani uweke chukua picha yako au ya familia ikuze kwenye fremu na uitundike.

Juu ya Sofa:  Tundika picha na fremu umbali wa mkono mmoja toka kwenye sofa. Hakikisha mtu aliyekalia hilo sofa kichwa chake hakigusani na picha.

Mlundikano wa picha: Tundika picha kwenye kundi moja karibu karibu ili kutengeneza sehemu ya kuelekeza macho. Amua umbo la kikundi chako hicho cha picha kiwe ni yai au boksi. Hii inawezekana kwenye kuta zenye nafasi kubwa au ndogo kama sebuleni na chumba cha kulala, kutegemea na muonekano unaoutaka.

Mlazo: Kwa kutundika picha kadhaa kwa mstari wa kulala inaleta hisia ya nafasi. Hii pia inapendeza kwenye ujia na chumba cha kulala.

Kuamua ni wapi na vipi uweke ukutani mapambo yako ya sanaa ya fremu na picha kutakupa uamuzi wa saizi na umbo la sanaa unazotaka kununua. Pale unapokuwa unajua ukuta husika unaotaka kutundika picha ni wa shughuli gani, rangi na staili basi unakuwa kwenye nafasi nzuri ya kufanya manunuzi yanakayoendana na mandhari hayo.

Kutundika picha na sanaa za fremu kwenye kundi au moja moja imekuwa ni njia sahihi ya kuhuisha kuta za nyumba.

Makala hii imeandaliwa na Vivi O. Machange 0755  200023

A small reseach at Ian Car Wash

Nimejaribu kuangalia database ya magari yaletwayo kuoshwa kwenye car wash ninayoisimamia nikaona kuwa hizi pick up ni nyingi kuliko magari mengine. Kuna mashiko fulani kwa wabongo juu ya magari haya...Mhh, kwa wale wanaosoma alama za nyakati waweza kung'amua jambo hapa.. Karibu Ian Car Wash..

Smile at the runway..

I like her signature smile..

Heeee eh

Utapendelea mshono huu?

My Article for Newspaper: Jinsi ya kuchagua pafyumu

Jinsi ya kuchagua pafyumu itakayokufaa

Pafyumu inakamilisha muonekano wako. Kuchagua itakayokufaa sio rahisi, kwanza kabisa inabidi ujijue , uwe mkweli na usifuate mkumbo kuwa pafyumu fulani ndio inavuma kwa sasa. Kwa ajili tu kila mtu anatumia pafyum fulani haimaanishi pafyumu hiyo ni sahihi kwako pia. Chagua pafyumu zinazooana na kemia ya mwili wako. Watu wengi wanakuwa wagumu kuamini ila kila binadamu ana harufu ya mwili tofauti na mwingine ingawa ni binadamu wachache wenye harufu kali kiasi cha kuweza kuzinusa. Kwa kuwa hutaweza kujaribu kila pafyumu inayouzwa madukani  makala hii itakupa dondoo ya jinsi ya kuchagua sahihi.

Fahamu kuwa pafyumu ni mchanganyiko wa mafuta ya kipekee ya mimea au wanyama na aroma za kutengeneza maabara. Harufu ya pafyumu fulani ni tofauti kati ya mtu na mtu kwa ajili kemia za ngozi ya binadamu zinatofautiana.

Kabla ya kujua uchagueje pafyumu sahihi kwanza inabidi kujua muundo wa  pafyumu.

Kuna tabaka tatu katika kila pafymu . Tabaka aina ya kwanza ni lile ambalo baada ya kupuliza pafyumu ndio harufu ya kwanza kuinusa na ndio inayokuvutia. Tabaka hili halikawii kupotea na harufu inakaa kati ya dakika 10-20 kabla haijapotelea hewani.

Tabaka la pili ni ile harufu inayotokea mara baada ya ile ya kwanza kupota. Hizi zinakaa kati ya saa 3-6 kwenye ngozi baada ya kujipulizia pafyumu.

Tabaka la mwisho ni harufu nzito na kubwa na inapotelea hewani kwa polepole sana.. Ni hili linaipa pafyumu nguvu ya mwisho. Baada ya kupuliza pafyumu tabaka hili utalisikia kuanzia nusu saa hadi saa nzima. Harufu yake inanukia hadi masaa 24 mwilini.

Pafyumu zipo za aina mbalimbali. Zile zenye harufu ya maua ni nyingi na zinamfaa kila mtu na walau kwa kila tukio. Pafyumu hizi zina harufu za maua kama rozi, jasmine na malili. Pafyumu zenye harufu za miti/misitu zina harufu nzito na nyingi ni za kiume kwa mfano pafyumu maarufu za Elizabeth Arden. Zile zilizotengenezwa kwa kutumia viumbe wa baharini nyingi ni za vijana. Pafyumu zilizotengezwa kwa viungo na matunda kama vile matunda ya ndimu, zabibu, chungwa na matikiti maji zina harufu nyepesi kama vile pafyumu za Dior Addict 2.

Kuchagu pafyumu sahihi inaweza isiwe rahisi kwako ila kwa dondoo chache utafanikiwa. Pengine hutakuwa na muda wa kujaribu pafyumu zote ila unachoweza kufanya ni kujaribu moja kila ukiwa kwa muuzaji. Pulizia kidogo kaganjani na fuatilia siku nzima jinsi inavyonukia, vyema ukumbuke zile tabaka tatu .Pia usijaribu ndani ya duka la muuzaji na kufanya uamuzi wa kununua kwa kuwa kutakuwa na harufu za pafyumu mbalimbali hivyo hutaweza kujua harufu halisi ya unayotaka kununua. Je harufu yake inaisha kabisa baada ya dakika kumi tuu au imenukia hadi ukaona inakuzidi nguvu? Kitu kimoja ukumbuke ni kuwa usiwe umevaa pafyumu nyingine tayari kwani  harufu zitakuchanganya.

Maduka mengi makubwa ya pafyumu yana wasaidizi wanaojua kazi zao kwa hiyo ukiwaambia ni pafyumu gani hasa unatafuta kwa mfano harufu upendayo au mahali na wakati utakapoitumia watakuwa tayari kukuelekeza. Pafyumu za kuvaa mchana ni za harufu ya matunda na zile za jioni ni za harufu nzito kama vanila. Pia binadamu wamejiwekea viwango kutofautisha pafyumu za kike na za kiume. Kama maandishi hayajasema kama pafyum husika ni ya kike au kiume watu wamepitisha kuwa pafyumu zenye harufu nyepesi, za sukari, matunda na maua ni za kike. Zile zenye harugu nzito ni za kiume, ni kama vile ngumu kuelezea.

Sasa wakati wa kuchagua pafyumu zingatia yafuatayo:
Mahali: Ni wazo zuri kufukiria ni wapi unaenda wakati unataka kutumia pafyum husika. Kwa mfano kama unavaa kwenda kazini tumia pafyumu ambayo ni safi na nyepesi. Harufu nzito zinaweza kukuzidi kwenye kichumba kidogo cha ofisi na pia wenzio wanaokuzunguka wanaweza kukereka na harufu ya pafyumu yako. Pafyumu zenye harufu za matunda na maua ni chaguzi nzuri kwa kazini, shuleni ama maeneo ambayo hayako wazi wakati zile nzito zinafaa kwenye sherehe za nje na matukio rasmi ya jioni. Chagua pafyumu wakati wa mchana kwa kuwa seli za mwili zinazotambua harufu ndio zinafanya kazi vizuri zaidi.

Majira: Kuna aina za pafyumu ambazo ni maalum kwa majira fulani ya mwaka. Badili pafyumu kuendana na majira. Pafyumu zenye harufu kali na ya viungo zinaweza kukera wakati wa kiangazi ila zikafaa sana wakati wa masika. Pafyumu zenye harufu za maua ni nzuri sana kwa kipupwe wakati zile nyepesi zenye harufu ya utamu na matunda zinafaa zaidi wakati wa miezi ya kiangazi. Pafyum zenye harufu za vyakula kama vile vanila na kitunguu saumu ni sahihi kwa majira ya baridi. Pia kutumia pafyumu ambao itakukumbusha matukio muhimu kama siku yako ya harusi au likizo eneo fulani la dunia ni njia nzuri kujipa kumbukumbu nzuri siku nzima

Kama ngozi yako ni kavu unahitajika kutumia pafyumu zaidi ya mwenye ngozi ya mafuta. Tumia pafyum baada ya kuoga na kujikausha kabisa. Usichanganye pafyumu na deodorant au sabuni ya deodorant kwa kuwa harufu zitagongana na kufanya harufu mbaya.

Makala hii imeandaliwa na Vivi O. Machange 0755 2000 23 

Tunang'oa viti

Hello, kama gari yako ndani ni chafu kiasi kwamba hata uki vacuum hailipi basi karibu Ian Car Wash tutang'oa viti na kapeti na kupiga maji gari yote pamoja na viti. Gharama yake ni elfu 50 tu. Nipigie 0755 2000 23 utupe kazi hiyo..

Eye Catcher

Mrs. O. Stuns...

The boys..

Hongera AM kwa kuanza shule..