Home Theatre HT iwe faraja ya kweli kwako!

 

Badala ya mtindo wa zamani wa kuwa na redio, siku hizi mambo ni kwa home theatre. Nimeongea na Bi Jacky Ngoma 0679 414 133 ambaye ni mtaalam wa mambo haya kutoka  kampuni ya Jaden Home Store walioko Kijitonyama Dar es Salaam, na hapa anatuelimisha zaidi home there ni kitu gani haswa. Anaanza kwa kusema kuwa Home theatre ni

mfumo wa muziki na luninga ambao unawekwa nyumbani kwa lengo la kuangalia muvi  kwa jinsi ile ile ya kama vile unavyokua kwenye ukumbi wa sinema.

Mfumo huu unakuwezesha kuona picha zenye ungavu wa hali ya juu na sauti nzuri ili kuzipa uhai filamu zako upendazo ila ni vitu kadhaa vinavyoweza kufanikisha hilo. Vitu hivyo ni luninga, deki ya DVD na spika. Kitu pekee kinachomfanya mtazama muvi akiwa kwenye ukumbi wa sinema kubakiwa na kumbukumbu ni ile sauti ya pale.

Spika za home theatre zinakuja kwa maumbo na ukubwa mbalimbali, kuanzia kubwa ndefu za kusimamisha zenyewe hadi za kuweka kwenye shelfu hadi nyembamba ambazo zinawekwa ukutani. Ni rahisi tu kwasasa kukutana na spika ndogo kimuonekano lakini zenye kufanya kazi vizuri sana za makampuni kama Sony LG, Samsung na kadhalika.

Ingawa home theatre inafaa hata kwenye sebule za kawaida, ila kama una chumba ambacho kimetengwa maalum kwa kazi hii, unakuwa na uhuru zaidi wa kuchagua spika zile haswa unazotaka. Bila kujali ukubwa au mpangilio wa chumba na kuweza kuziweka maeneo sahihi ili kuleta matokeo mazuri. Vinginevyo kama unajaribu kuongeza mfumo huu kwenye chumba ambacho tayari kipo na matumizi mengine, pengine hutakuwa na wigo mpana wa kuchagua spika za kusimama huru ambazo ungetaka. Huenda wewe au mwenzio wa muhimu asipende sebule iwe na msongamano kutokana na ukubwa wa spika. Kama ni hivyo basi spika za kupachikwa ukutani au darini inawezekana kuwa ndio zitakufaa. Kwa wale ambao wamebahatika kuwa na chumba maalum uchaguzi wowote kwao inawezekana.

Mpangilio na muonekano unaguswa na uwepo wa home theatre kwahivyo unapotaka kununua chagua kwa makini.

Vilevile kama tujuavyo unaponunua vifaa vya umeme ni muhimu pia kuwa na uhakika kuwa vifaa hivyo vina uwezo wa kutumika pamoja na vingine ulivyonavyo nyumbani. Unatakiwa kufahamu kuwa kifaa kina maeneo ya kutosha ya kuunganishwa na kingine kwa maana kama tulivyosema huu ni mfumo kwahivyo ni vifaa kadhaaa vinaunganishwa pamoja ili kuleta matokeo fulani.

Mara unapokuwa umekamilisha mfumo wa vifaa vyote unavyohitaji kwa ajili ya home theatre kilichobakia ni kupata rimoti moja ya kuviendesha vyote kwa pamoja, labda uwe ni mtu unayependa kutumia rimoti tano ili uweze kuangalia filamu moja! Inapaswa kuchagua na kuprogramu rimoti moja ili kufanya maisha ya mtazamaji wa kila siku nyumbani yawe rahisi.

Karibu kwenye ulimwengu wa home theatre ili uweze kufurahia sauti na picha za kiwango cha hali ya juu zaidi kutoka kwenye vifaa vyako vya burudani uwapo nyumbani.

Kwa wewe unayehitaji Home Theatre ukiwasilaiana na Jacky mwambie umeona tangazo kwa Vivi