....super sunday....

tumefurahia mvua kubwa iliyonyesha kama hivi...

balbu inapokuwa si balbu tu....

When it’s also a speaker, a WiFi repeater or a camera, obviously. All of Sengled’s special bulbs can be controlled by an app, and to save you clogging up plug sockets around the home, each serves a dual purpose.

The Pulse is a dimmable LED light that also serves as a Bluetooth speaker made by JBL. A starter pack comprising a master and a satellite bulb costs EUR179.99, and comes in three colours – red, white or silver. Once paired, you can dim and brighten all the bulbs simultaneously, and play songs from all the bulbs at the same time.

Just twist the bulb into any standard light socket, and adjust the brightness and volume from the iOS/Android app.

Alternatively, the Boost, EUR50, is another app controlled and dimmable light, but it can also increase the range of your WiFi. Just place it where you have a reasonable signal and it can throw it into ‘dead zones’ up to 100ft away.

Finally, the yet-to-be-released Snap incorporates a camera, microphone and speaker into the bulb. Snap records video and stores it in the cloud, so you can use it as a home monitor either inside or outside. Available in March 2015, it’s priced at $200, with European and UK pricing yet to be confirmed.

---vitu vizuri---hii nywele hii, kaipata toka kwa mama yake

yani Mungu anavyoumba bwana....wakati mwingine ana kipilipili cha kufa mtu (kumbuka hakuna kosa alilofanya...kakipata toka kwa wazazi wake hivi hivi wala si sawa kulaumu) mwingine anapata kama hivi...

 nywele zake toka kwa mama yake na sio za kununua

 anasema anatumia revlon na inauma hiyoo

 steaming mara mbili kwa mwaka tu eti...watu na bahati zao

sikudanganyi ona...ni zangu na wala  mama hakuchepuka na wale masingasinga waliokuwa wakitengeneza barabara....ha haaaaaa oops

magugu ni adui wa bustani yako

ukiyalazia macho magugu yanaharibu bustani nzima...... leo nimestuka jinsi mvua ilivyoyafanya yashamiri kwenye bustani yangu. halafu usijidanganye kuwa nitakapokata majani hayataonekana, bila kuondoa mizizi gugu lipo pale pale...

aina hii ya  magugu yana majani mapana kuliko majani ya bustani ambayo ni aina ya canadian

 haya ni magugu aina nyingine ambayo kwenye jua yanafanana kabisa na canadian grass, jinsi ya kuyagundua tu ni asubuhi wakati wa umande, huwa yenyewe magugu yanakuwa yameweka ukungu wakati canadian zinakuwa hazina, kwahivyo ukiona hivyo unajua eneo hili lina magugu.

hizi ni canadian grass ambazo hazina magugu kabisa, raha ya majani haya ya bustani huwa yanashona na ni ngumu kweli kwa gugu geni kuota, yanayokuwepo ni yale tu ambayo toka mwanzo wa kuotesha bustani mizizi ya hilo gugu ilibaki ardhini

 gardener wangu Claud aking'oa mzizi wa gugu

finally nimebakiwa na gugu free bustani

my article for newspaper: chumba cha kufulia

Umuhimu wa kuwa na chumba maalum cha kufulia ndani ya makazi yako

Nafahamu Watanzania wachache sana (labda na wewe ni mmojawapo) ambao wamejenga nyumba zao wakaweka chumba cha kufulia. Badala yake wanafulia nje na kwa ufinyu wa eneo baadhi utakuta dada wa kazi kakaa juu ya sakafu ya shimo la maji taka anafua, na hata wakati mwingine pakiwa na harufu mbaya lakini hana mahali pengine pa kufulia maskini. Au kwa baadhi ya wale wenye mashine za kufulia aidha wameziweka kwenye varanda uani au bafuni lakini sio kuwa pametengenezwa maalum kwa kufulia.

Baadhi hawataki kukubaliana moja kwa moja kuwa kuna umuhimu wa kuwa na chumba cha kufulia kwenye makazi yao. Lakini wewe mwenye nyumba utakapoamua kujumuisha chumba cha kufulia kwenye makazi yako ndipo utakapogundua ni nini ulichokuwa unakosa! Utakiona chumba hiki kama moja ya vyumba muhimu zaidi kwako.

Ni mazoea ya wengi kuwa na mahali pa kufulia “huko nje”  na lugha inayotumika ni peleka nje hizi nguo za kufua. Kwa miaka mingi kwa Watanzania walio wengi kuwa na  chumba cha kufulia kwenye makazi yao ni jambo lisilotiliwa maanani, limedharaulika au na pia kusahaulika, na mahali pa kufulia ni popote  tu hapo nyumbani ambako wewe mfuaji utakapoona panakufaa kwa wakati husika…iwe ni uani, juu ya karo la maji taka, chini ya mti na wakati mwingine bafuni.

Asante kwa teknolojia na utandawazi ambapo baadhi ya wenye nyumba wameanza kutenga chumba cha kufulia kwenye nyumba zao. Kwa miaka ya karibuni baadhi ya wenye nyumba na wajenzi wanatizama uwezekano wa kujumuisha chumba cha kufulia kwenye makazi. Chumba hiki kinatakiwa kiwe na eneo la kuhifadhia, sinki, uwezo ukiwepo mashine ya kufulia na bila kusahau mahali pa kunyooshea. Umuhimu wa sinki bado ni mkubwa hata kama utaweka mashine kwani si kila nguo itafuliwa kwenye mashine na pia kuna swala la kuloweka na kuosha viatu vyenye udongo.

Lakini haijalishi ni maridadi namna gani chumba hiki kinavyoonekana, jambo la msingi linabaki lilelile kuwa ni mahali pa mchakato mzima wa kubadili nguo chafu ziwe safi na kuvalika tena ambapo ni pamoja na kuloweka, kufua, kunyoosha na kuhifadhi kwa muda.

Je, unaonaje kama kwenye eneo la makazi yako iwe unajenga sasa au ni makazi ya zamani ukawa na chumba cha kufulia? Na je unafahamu kuwa unaweza kukidizaini mwenyewe? Chumba cha kufulia kina majukumu yote ya kufanya mchakato wa kufua nguo uwe rahisi, pia kumbuka ni muhimu kiwe jirani na kamba za kuaniakia.

Hakikisha kwenye chumba chako hicho maalum cha kufulia una mahali pa kutundika nguo na tumia hanger za plastiki, hizi zinafaa zaidi kwani hazipati kutu au kujikunja pale nguo inapokuwa nzito.

Kwa matumizi mazuri ya nafasi unaweza kujenga kaunta la zege juu ya mashine ya kufulia ambapo ndipo utakapokuwa unanyooshea nguo. Kwa maana hiyo mashine yako inabidi iwe ni ile ya kujazia nguo kwa mlango wa mbele (front load) na sio juu (top load). Hii itaokoa eneo ambalo ungeweka meza ya kunyooshea.

Msisitizo maalum uwekwe kwenye muundo wa chumba hiki kuhakikisha kuwa kila mahali kuna mwanga wa kutosha, kwa mfanyo huwezi kufua kwa mikono penye mwanga hafifu na pia huwezi kunyooshea pasipo na mwanga wa kutosha. Ikiwezekana kuweka mlango wa kioo ni njema zaidi.

Chumba cha kufulia kinafaa kiwe na mvuto! Rangi nzuri za mwanga ukutani kama bluu au njano isiyokoza itaongeza muonekano. Sakafu yake iwe kavu na pia chumba hiki hakitakiwi kuwa kimepooza. Kuweka chanzo cha burudani kama vile radio inaweza kukifanya kiwe sehemu ya burudani zaidi kuwepo na kutomchosha mfuaji wakati nguo zikiendelea kutakata.

Chumba chako cha kufulia kinatavyokuwa na mvuto huenda kikamfanya mwenzi wako asiyependa kufua aanze kufua. Na kama ndio hivyo, ni ukweli kuwa kinaweza kuwa chumba kizuri zaidi hapo nyumbani!

Makala hii imeandaliwa na Vivi O. Machange. Vivi ni mjasiriamali upande wa usafi wa magari, nguo na mazulia; pia ana mapenzi makubwa ya muonekano wa makazi. Kwa maoni au maswali tuma kwenda 0755 200023 au christinesdaughter@yahoo.com

habari ya mtambo wa kubadilisha maji kutoka kwenye chumvi kwenda yasiyo na chumvi ni njema kuliko!

Yani nilipoona habari hii nimetamani kama wangezindua pia vimtambo vidogo kwa ajili ya majumbani. Watu wengi wengi hawana uhakika wa maji safi na salama, na huwa naamini suluhisho kamili na la kudumu ni kuchimba kisima, ila tatizo sasa linakuja kuwa asilimia kubwa ya maji ya visima ni ya chumvi. Sasa  hili la kuweza kuwa na mtambo wa kuyabadilisha toka kwenye chumvi kwenda yasiyo na chumvi (safi na salama) ni njema sana kwakweli. Process ya kubadili maji ya chumvi kwenda yasiyo na chumvi inaitwa desalination.
soma hapa:

Naibu Waziri wa Miundo mbinu na Mawasiliano Issa Haji Ussi (Gavu)akitoa hotuba wakati alipofungua mtambo wa kubadilishia maji kutoka kwenye chumvi na kuwa safi na salama Uzi Ng'ambwa Wilaya ya kati Unguja ikiwa ni shamra shamra za maadhimisho ya miaka 51ya Mapinduzi ya Zanzibar.kulia yake nimuakilishi wa Taasisi ya Mork Water Solution ya Ujarumani Mikalen na kushoto yake ni Mkuu wa Mkoa wa Kusini Idriss Muhsin Hijja.

 Wananchi mbalimbali wakinywa maji yaliobadilishwa kutoka kwenye chumvi na kuwa safi na salama baada ya kufunguliwa huko Uzi Ng'ambwa Wilaya ya kati Unguja ikiwa ni shamra shamra za maadhimisho ya miaka 51ya Mapinduzi ya Zanzibar

--nitavukaje--Wajasiriamali waombwa kuchangamkia fursa

haya tena kwa wewe unayetaka kuvuka daraja hilo chukua hatua fastaaa.

Wednesday, January 7 2015, 0 : 0

WAJASIRIAMALI mbalimbali nchini wameombwa kuchangamkia fursa kwa kuchukua fomu za kushiriki programu ya shindano la ujasiriamali linalojulikana kama 'Safari Lager Wezeshwa' ili waweze kujinyakulia vitendea kazi vya aina mbalimbali ikiwemo trekta lenye thamani ya sh. milioni 220.

Wito huo ulitolewa Dar es Salaam jana na Meneja Mpya wa Bia ya Safari Lager, Edith Bebwa, wakati akizungumza na waandishi wa habari kuhusu programu hiyo ya awamu ya nne ambayo imelenga zaidi kwa wajasiriamali nchini kujitokeza kuchukua fomu hizo.

"Awali tuliwaeleza wajasiriamali kuwa na subira wakati fomu hizo zikiandaliwa lakini tunachoweza kusema ni kwamba hivi sasa fomu ziko tayari wanaweza kuzipata katika maeneo mbalimbali ikiwemo kwenye mabohari ya TBL,"alisema Bebwa.

Alisema pia fomu hizo ziko kwa mawakala wa kusambaza bia, kwenye mitandao na kusema kuwa ni wakati mwafaka kwa wajasiriamali kuchukua fomu hizo na kuzijaza tayari kwa kushiriki rasmi shindano hilo.

Bebwa alisema kuwa mara baada ya wajasiriamali hao kumaliza kujaza fomu hizo ni vyema wakazirejesha kwenye vituo vilivyotajwa au maeneo walipozichukulia na kusema kuwa wajasiriamali wadogo wadogo nchini kuhakikisha wanachangamkia fursa hiyo kwani hiyo ni hazina tosha.

"Ninasema hivi kutokana na kwamba hii itarahisisha kazi kwa kuwepo kwa vitendea kazi bila ya kutumia nguvu nyingi kwao kutokana na kwamba kwa wajasiriamali ambao wamefanikiwa kushiriki na kushinda wamepata mafanikio makubwa,"alisema.

Kiongozi wa wataalam wa Ushauri wa Biashara kutoka Kampuni ya TAPBDS Joseph Migunda, alisema kuwa programu hiyo inatarajia kufanyika takribani mikoa yote ambapo itawapa fursa wajasiriamali wa aina zote fursa bila kujali fani, kabila wala jinsia bali wanatakiwa kujaza fomu kwa usahihi na umri usiopungua miaka 18-40.

Alisema kwa wale wenye nia ya kufika mbali kibiashara na wenye malengo ya kuisaidia jamii inayowazunguka wasisite kuchangamkia fursa hiyo na kwamba kwa wale watakaofanikiwa kuibuka kidedea watapata mafunzo mafupi ya awali pamoja na kukabidhiwa ruzuku zao.

today it's my 8th wedding anniversary

ado ado lakini tupogo...ni kama juzi tu yan

laundry talk : umuhimu wa kuwa na chumba maalum cha kufulia

Nafahamu watu wachache sana (labda na wewe ni mmojawapo) ambao wamejenga nyumba zao wakaweka chumba cha kufulia. Badala yake wanafulia nje wengine utakuta dada kakaa juu ya sakafu ya shimo la maji taka anafua, na hata wakati mwingine pakiwa na harufu mbaya lakini hana mahali pengine pa kufulia maskini. Au kwa baadhi ya wale wenye mashine za kufulia aidha wameziweka kwenye varanda uani au bafuni lakini sio kuwa pametengenezwa maalum kwa kufulia.

Je, unaonaje kama kwenye eneo la makazi yako iwe unajenga sasa au ni makazi ya zamani ukajumuisha chumba cha kufulia? Na je unafahamu kuwa unaweza kukidizaini mwenyewe? Ni  Kiasi tu cha kuwa na eneo la kunyooshea, kutundika nguo zilizonyooshwa na vishelfu viwili vitatu vya kuweka nguo zilizokunjwa.

Kwenye chumba hiki kama utakuwa na washing mashine, plumber atakufungia miundombinu yake, au kama haipo basi jenga laundry sink linatosha sana tu (japo kidogo kikubwa ni majaliwa…ha ha haa). Zaidi ya yote usisahau eneo la kuweka kapu la nguo chafu.

Heri ya mwaka mpya rafiki…ujumbe huu utakutia moyo. “ If 2014 didn’t end the way you planned don’t lose hope. Just remember God has created 2015 for you to start again. The best is yet to come, for sure life never seems to be the way we want, but we live in it the best way we can.  There is no perfect life but we can fill it with perfect moments.”

my everyday life: mtoto shule mzazi shule

yani mchaka mchaka wa watoto kwenda shule ni kama na mzazi unasoma vilevile....watu wangu wadogo wameshazianza mbio za 2015, usingizi wa asubuhi iz no more...

 jamani ni mambo ya wake up with giza yameanza tena, masikitiko mweee

 kweli na kimvua mvua hiki kweli, usingizi ungenoga sana

any way wacha tu twende ni kwa faida yetu

tumeanza kujiandaa na back to school

nimemalizia mwaka kwa kutembelea waterfalls za kinukamori

Basi sikukuu hii nilifanikiwa kwenda kupumzika na kusheherekea katika eneo nilipokulia, shughuli zilikuwa ni mbili tu ambazo ni kulala na umbea bhaaasi. Kunako stori stori kukawa na hili lililonishtua la wanafunzi wawili binti na kaka yake waliokutwa wamefariki mtoni huko Marangu. Kukawa na maneno mengi kuwa walienda kuogelea wakavutwa na chunusi. Nikajisemea wacha niende nikajionee mambo hayo. Nikafikia kwenye eneo moja la mto marangu ambapo kuna waterfalls zinazoitwa Kinukamori.

Nikataka kujua historia ya eneo hili na nikaambiwa kuwa ni juu ya binti mmoja Makinuka, wa kabila la kichaga aliyepata mimba kabla ya ndoa kwa hivyo kwa jinsi mila zilivyokuwa zinalaani jambo hilo akaamua kwenda mahali hapo ili ajiue.  Tour guide akaendelea kunieleza kuwa kwa kichaga Kinuka inamaanisha pori, na Mori ndio huyo chief aliyekuwa anamiliki hilo pori.

Twenda pamoja basi uone picha na maelezo ya tukio zima na huenda ukitembelea Moshi utavutiwa kwenda Kinukamori waterfalls...

 naianza safari

Kinasanamu kinakuambia huruhusiwi kukojoa hapa, usipokuwa makini unaweza kudhani ni mtu kweli anamwaga susu..

Sanamu la Makinuka kashaingia porini kwa Mori akitaka kujiua. Hapo aliposimaa mbele yake kuna shimo kubwa lililofanya haya maporomoko, na ndipo alipojirusha akafa.

 Baba yake Makinuka akitazama mwanaye alipofia.

 Mama Makinu akisikitika kifo cha bintiye.

Ngazi za kushuka kuzunguka kuona maporomoko, ni mwendo wa kati ya dakika kumi hadi kumi na tano ndipo ufike chini.

 waterfalls yenyewe..ukitazama kwa juu kule unamuona makinuka akiwa tayari kujirusha. tg alisema urefu wa haya maporomoko ni kama mita mia, ni parefu eti

 hapa ni upande wa juu wa mto kabla ya maporomoko, ni eneo hatari hili, ukiteleza ama mtoto akiwa anakimbia Mungu pitishia mbali anadumbukia kwenye lile shimo, kwakuwa kwa mbali unaona tu ni kama mto unapita lakini kwa mbele ni shimo kubwa sana, hadi uzunguke kwenye zile ngazi ndio unaweza elewa mbele kuna nini. Sasa watembeleaji wanakazana kupiga picha na Makinuka ndio wanaanguka na kufa pale na sio chunusi wala nini. Pameandikwa usikatize, lakini wengine hawasikii na pia wapo wanokuja wakiwa wamelewa.

 baadhi ya wageni wanakuja na magodoro na matents na kuweka camp

 yeiiii, nimefika...happy 2015, ujumbe wangu kwako ni usikubali mtu akuibie furaha yako....

mambo ya utalii wa ndani, hawa wote wamekuja kushangaa kinukamori falls

 wageni ni wengi mnapishhana tu kwenye ngazi kupandisha na kushuka

cottage ipo ila wengi wanapendelea kufunga tents....mwisho

My Article for Newspaper: Malengo ya 2015 Nyumbani Kwako

Mazingira ya nyumbani kwako yasaidie kufanikisha maazimio yako ya mwaka mpya

Ni wakati mwingine tena wa mwaka ambao wengi wetu wanapenda kufanya mabadiliko kwenye maisha yao. Je umeshafikiria mabadiliko ya mwaka mpya kwa ajili ya kiota chako? Japo mabadiliko haya yanajulikana na wengi zaidi kama maazimio, kwa kutia msisitizo zaidi makala hii itayaita malengo. Malengo yanatamkwa kwa kusisitiza wakati uliopo ni nini tamanio lako (kwa mfano kuamua kubadili mpangilio wa fenicha za sebuleni kwako ili kuwezesha kunogesha zaidi mazungumzo) wakati maazimio yanatamka ni nini ungependa huko mbeleni ya kuwa unaenda kufanya nini wakati ujao.

Mara nyingi malengo (au maazimio) ya mwaka mpya yanatupiliwa mbali hata kama nguvu za kutosha ziliwekwa ili kuhakikisha yanafanikiwa. Moja ya sababu za malengo kutofanikiwa ni mazingira ya nyumbani kwako kutosaidia kuwezesha mafanikio ya malengo hayo. Kama unataka kufanya mabadiliko ndani ya maisha yako bila kuhusisha mazingira yako kufanikiwa ni mbinde. Kwa maana ya kwamba kama unaweka malengo yako ya mwaka 2015 kwa ajili ya makazi yako na ukayaacha mazingira yalivyo, ni ngumu sana kubadili chochote. Hata matangazo kwa mfano ya kujikinga na maambukizi ya VVU yanaonyesha uhusiano kati ya maambukizi na mazingira fulani ambayo yanachochea maambukizi hayo.

Kanuni ya malengo kuwa na uhusiano na mazingira inahusika karibia katika kila kitu. Kama unataka mwaka huu uwe tofauti basi unatakiwa kuweka mazingira ya kuwezesha malengo yako.

Je mazingira yako yanakusaidia kupata kile unachokihitaji? Kwenye mazingira ya nyumbani kwako vitu ambavyo havijakaa mahali pake au vimekaa mahali ambapo havifanyi kazi yake au havitumiki tena vinakukwamisha kutimiza malengo yako hapo nyumbani. Tembelea kwenye makabati ya nguo na vyombo angalia kwa umakini kuona ni vitu gani vya kuhifadhi, vya kugawa ama vya kutupa. Fanya hivyo kwa nia ya kupata nafasi ya kile tu kitakachosaidia kufanikisha malengo yako.

Pengine lengo lako la mwaka mpya ni kutokula hovyo kwa nia ya kupungua uzito. Je mara zote unaingia nyumbani kwa kupitia mlango wa nyuma ambapo unaingilia moja kwa moja jikoni? Kumbuka kanuni kuwa unachokiona mwanzo kinagusa zaidi akili yako, kwa hiyo kama mara ungiapo ndani unakutana na jokufu, chakula na kadhalika utapata hamu ya kula hapo hapo.

Mahusiano mengi yanaweza kuboreshwa kwa mapambo ya nyumbani hasa katika swala la kuwasiliana. Je chumba cha kulala cha wakuu wa familia ni mahali patakatifu kwa wawili? Hakikisha vitu kama taa, vimeza, na viti kwenye chumba hicho viko viwili viwili.

Au lengo lako mwaka mpya ni kuwa na wageni wengi zaidi nyumbani? Hakikisha basi mlango wa mbele unaonekana na kuna njia ya wazi ya kuingilia. Taa zinazomulika njia ya kuelekea mlango huo ziwe zinafanya kazi. Pitia mlango wa mbele kama mgeni mtarajiwa uone kama kila kitu kiko sawa. Je njia hiyo inakaribisha? Na sebule yako je nayo inavutia kwa ajili ya wageni wako wengi ambao unapenda kuwaalika nyumbani mwaka mpya ?

Kwa wale ambao azimio lao kuu la mwaka 2015 ni kupamba nyumba zao hakikisha unachagua rangi kwa umakini, fikiria mpangilio wa fenicha je zinawatendea haki watumiaji wa chumba husika. Angalia vitu ambavyo inabidi uvifanyie kazi ili kuboresha muonekano wa makazi yako. Kama kwa mfano sakafu ya sebule yako ni ya marumaru na unachoka kusugua na kusafisha kila siku na unakiri kuwa ni ngumu kuifanya iwe safi; basi weka zulia kubwa ambapo utasafisha kwa mashine ya upepo mara mbili au tatu kwa wiki.

Ikiwa unaazimia kutojaza vyombo vichafu kwenye karo basi mwaka ujao lenga kuosha chombo mara baada ya kukitumia. Na hata hakikisha wanafamilia wengine pia wanafanya hivyo.

Huenda kijani kinakubariki lakini huna eneo kubwa ya kuweza kuwa na bustani za ardhini. Otesha basi bustani za kwenye vyungu walau ukifungua pazia la chumba cha kulala kunapopambazuka ukutane na kijani. Azimia kupamba ndani mwako kwa maua freshi japo mara moja kwa mwezi.

Kweli, baadhi ya mabadiliko ya nyumbani kwako unaweza kuhitaji kutafuta msaada, lakini kuna mabadiliko mengi sana ambayo hayahitaji gharama lakini yanahitaji muda na nguvu ( na pengine kaujuzi)  kwahiyo kwa 2015 kwa nini usiazimie kupamba mwenyewe? Unaonaje? Ni azimio moja zuri kwa ajili ya makazi yako ambalo unaweza kutekeleza. Fanya usafi mkubwa ndani ya nyumba yako mara moja kwa mwezi ( weka tarehe kwenye kalenda yako na isismamie). Mwanamke unatakiwa upende usafi na usiwe mvivu. Shirikisha na wanafamilia wengine pia.

Hii inaweza isikubalike kwa baadhi ya watu ila ni mawazo binafsi kuwa azimia kila anayeingia ndani avue viatu mlangoni. Viatu vya wanawake vilivyo na visigino vya ncha kali mara nyingine vinakwaruza sakafu za marumaru na mbao na kuacha alama na vile vya wanaume baadhi vina soli zinazoacha rangi sakafuni na hivyo kufanya sakafu ionekane zee kuliko kawaida.

Mwaka huu lenga kuweka nyumba yako nadhifu kila mara kama vile unategemea mgeni wa heshima!

Makala hii imeandaliwa na Vivi O. Machange. Vivi ni mjasiriamali upande wa usafi wa magari, nguo na mazulia; pia ana mapenzi makubwa ya muonekano wa makazi. Kwa maoni au maswali tuma kwenda 0755 200023 au christinesdaughter@yahoo.com

Laundry Talk: Umuhimu wa Kutumia Bleach

As ninafanya biashara ya dry cleaning na laundry nimeona kuwa hakuna mbaya nikiwa na share na wewe tips za mambo hayo. So kuna mambo elfu moja na moja kidogo ya kuongelea kuhusu usafi wa nguo tatizo nadhani ni muda mchache uliopo!

Naanza na kwanini tutumie bleach? Nyeupe zizidi kuwa nyuepe zaidi, inaondoa udongo na inaua vijidudu.

Zaidi ya maelezo ya kwenye chupa bleach inatakiwa kuchanganywa na maji kabla ya kusweka nguo endapo unafua kwa mkono, baadhi ya watu kwa kutojua wanaweka nguo kwanza halafu wanamimina bleach juu ya nguo, hii ni makosa as inaweza kuunguza nguo endapo utaimimina moja kwa moja juu ya nguo.

Of course, kama unatumia mashine una ile sehemu ya ku dispense bleach, kwa hivyo unamimina tu pale kwa maana hiyo huna haja ya kuchanganya maji na bleach manually.

Kabla hujatumia bleach kwenye nguo hakiksha kwanza unasoma label ya nguo, kwa ajili kuna baadhi zinasema kabisa "No Bleach" - kwa maana hiyo usitumie bleach kwenye nguo yenye label inayosema hivi.

Na usisahau kuwa kuna bleach za kutumia kwenye nguo za rangi pia ...watu wengi hawajui hili, kwa mfano unaona zile chupa za jik za rangi ya bluu? hizi ni kwa ajili ya nguo za rangi.

TAHADHARI wakati wa kutumia bleach - kuna dondoo mbalimbali zinatolewa kwa ajili ya kufua nguo zitakate zaidi kama vile kutumia limao, vinegar na kadhalika. Kuchanganya vitu hivi na bleach kunaweza kuzalisha kemikali zitakazoharibu nguo zako, ambapo usingependa litokee hili.

...mjini tumekuja kutafuta maisha...

wakati wa sikukuu tunachapa lapa kama hivi...usisahau chimbuko lako mdau...watu wangu wadogo washasepa zao xmas hiyoooooo yaja...

...nothing is comparable to the joy of motherhood...

my article for newspaper: kuhifadhi taulo na ugeni

Jinsi unavyoweza kuhifadhi taulo za bafuni kwa ajili ya wageni watakaokutembelea msimu huu wa sikukuu.

Moja ya faida za kipindi cha sikukuu  ni fursa ya kufungua nyumba yako kwa wageni ambao hamjakaa pamoja mwaka mzima.  Kama utakuwa na wageni nyumbani msimu huu wa sikukuu, makala hii inakuhusu. Mahoteli yanafanya wageni wao wajisikie spesho kwa ajili wanafahamu jinsi ya kuwafanya wajisikie  nyumbani kwa kuwapatia mahitaji muhimu. Wewe pia unaweza wafanya wageni wako wajisikie kama wameshukia kwenye hoteli ya kitalii wanapokuwa nyumbani kwako, kwa ajili tu ya buduriko wanalopata wanapokuwa kwenye chumba au vyumba vyao vya wageni hapo kwako.

Ni  bafu chache zenye sehemu ya kutosha kwa ajili ya kuhifadhi taulo za wenyeji na wageni kwa wakati mmoja, na huenda unafikiria ni jinsi gani utahifadhi taulo za wageni wako watakapokutembelea. Lakini usijali kwani hata kama bafu lako ni dogo namna gani njia mojawapo kati ya hizi itakufaa kutundika ama kuhifadhi taulo za wageni wako.

Kuweka fimbo za kutundika taulo kwenye ukuta wa bafu ama nyuma ya mlango (uwe wa mbao kwa uimara) ni njia rahisi zaidi ya kuhifadhi taulo za bafuni. Fimbo hizi hazichukui nafasi kubwa na wala hazina marembo kwahivyo ni suluhisho tosha kuhifadhi taulo kavu na hata zile zenye unyevu. Fimbo za taulo zinaruhusu taulo kukauka kwa usafi zikiwa zimetundikwa kwa kukunjwa nusu. Fimbo za bafuni za kuwekea taulo zinasaidia mambo makubwa mawili: kwanza, zinaweka taulo kavu na safi kwa jinsi ambayo ni rahisi kuchukua na kutumia; pili, zinatandazwa taulo zenye unyevu na kuzifanya kukauka kirahisi, hivyo kuzuia kuota kwa ukungu.

Licha ya kufungwa bafuni fimbo za taulo zinaweza kufungwa pia jikoni kwa ajili ya kuwekea taulo za mkononi.

Muonekano wa fimbo za taulo ni kawaida sana. Ni fimbo iliyosimikwa ukutani ama nyuma ya mlango kwa kutumia mashine ya kutobolea ukuta na taulo huwekwa hapo, hutolewa kutumika na hurudishwa tena hapo baada ya kutumika kwa ajili ya kukauka. Ni muhimu fimbo hizi zimewekwa imara kwakuwa kama tujuavyo taulo zikiwa mbichi zinakuwa nzito na pia mara nyingine fimbo hizi hutumika na watoto kwa utundu wao wa kupenda kubembea kila wapoona panafaa, na pia wazee kujishikilia wakiwa bafuni. Kwahivyo siwezi kuacha kusisitiza kuwa fimbo za taulo ni lazima zifungwe kwenye ukuta wa tofali ama mlango wa mbao kwa ajili ya uimara.

Fimbo za taulo sizo tu zinazoweza kuhifadhi taulo kwa usafi na kuruhusu zile zenye unyevu kukauka. Kulabu (hook) za taulo, susu (rack) za kusimama wima, bangili na ngazi za taulo nazo ni njia nyingine za kuhifadhi taulo za bafuni. Bangili iliyotobolewa ukutani ambapo taulo kadhaa zinatundikwa ni maarufu sana siku hizi na kwenye maduka ya fenicha wanaziita bangili za taulo.

Ngazi za taulo ni chuma kingine kinachoonekana kama ngazi ndogo ambacho hutumika kuwekea taulo,  ni njia mojawapo ya kuhifadhi taulo za bafuni. Je una nafasi kwenye ukuta wa chumba cha kulala cha wageni wako ambapo unaweza kuweka ngazi hii? Ni kiasi cha kuishikilia na braketi juu ili isianguke na unaweza kuhifadhi kwa kutandaza taulo za kuogea. Uzuri wa ngazi ya taulo ukilinganisha na fimbo ni kuwa wakati kwenye fimbo unaweza kuweka taulo zisizozidi 2 kwenye ngazi ya taulo unaweza kuweka hadi taulo 6.

Lakini kuna njia nyingine ambazo hazitakufanya uusumbue ukuta wako ambazo zinaonekana za kimapambo zaidi kwa mfano kuweka susu ya kusimama inayojitegemea kama ile ya kutundika makoti ofsini. Kama chumba cha kulala cha wageni wako kina nafasi kidogo ya ziada basi simamisha susu ya koti kwa ajili ya kutundikia taulo za bafuni. Susu inaweza kutundikwa taulo kadhaa kwa wakati mmoja. Fikiria kuiweka sehemu ambayo inaingiza hewa au vinginevyo wageni wako wawe wanazigeuza mara kadhaa kuwezesha kukauka. Kama susu hii inatundika taulo za wageni tofauti tofauti basi wawe na taulo za rangi tofauti kwa kila mmoja. Hakuna anayependa kushirikiana taulo.

Badala ya ile susu ya kusimama kuna hii nyingine inayofanana na ya kuhifadhia chupa za mvinyo. Kama unataka wageni wako wajisikie kama wako kwenye hoteli yenye hadhi ya nyota tano nenda kistaili zaidi kwa kuhifadhi taulo zao safi zilizobiringishwa vizuri kwenye susu ya taulo. Susu za taulo zina muonekano wa kuvutia kwahivyo kwa upande mwingine ni kama pambo. Taulo safi zinabakia zimebiringishwa vizuri ndani ya susu hadi wakati wa kutumiwa, na hii inachukua nafasi kidogo kuliko ile ya kusimama. Kuhifadhi taulo kwa kutumia susu ya taulo inakubidi uwe ni mtu wa kutumia taulo mara moja tu na kulifua.

Kama ulijisikia kwamba bafu lako ni dogo kiasi kwamba huna mahali pa kuhifadhi taulo za wageni wako msimu huu wa sikukuu hatimaye leo umefahamu njia kadhaa za kuweza kuhifadhi na kutunza taulo wakati huo huo ukiwa unazitumia. Wekeza katika njia mojawapo kati ya hizi ilikurahisisha maisha bafuni sikuzote na hata msimu wa wageni.

Makala hii imeandaliwa na Vivi Machange ambaye anajishughulisha na usafi wa magari, mazulia na nguo aina zote; pia ana mapenzi makubwa ya muonekano wa makazi. Kwa maoni au maswali tuma kwenda christines.daughter@yahoo.com au 0755 200023