STUDY: Viapo vya ndoa ni rahisi kutamka kuliko kutekeleza, wanawake wameumbwa kutoa huduma, wanaume zao hawana uvumilivu pale wake wanapougua kwa muda mrefu

Wanasema talking is cheap..

Ahadi ya kuwa pamoja maishani katika shida na raha,taabu na shida viapo hivi ama ahadi hizi zinaonekana kuchukuliwa kirahisi mno na wanandoa wapya, lakini kwa mujibu wa utafiti mpya uliotolewa hivi karibuni unathibitisha kuwa ni rahisi mno kutamka kuliko utekelezaji wa viapo vyenyewe .

Utafiti uliofanywa kwa wanandoa wenye bahati 2,700 umegundua kwamba ,ikiwa mwanamke katika ndoa hiyo ataugua kwa muda mrefu asilimia sita hukaribia kupewa talaka kuliko wale ambao wana afya njema .

Ukilinganisha na wanaume ambao huugua wakiwa kwenye ndoa,hatari ya kuvunjika kwa ndoa ni ndogo mno,hata hivyo upendo huendelea hadi hapo mmoja wao atakapo baki kuwa mgane ama mjane.

Utafiti ulioongozwa na wanazuoni wa chuo kikuu nchini Marekani, unapendekeza kwamba kwa asili, wanawake wao wameumbwa kutoa huduma katika familia zao na hii inamaanisha kwamba wanaume wao huwa hawana uvumilivu wake zao pindi wanapokumbwa na maradhi ya muda mrefu ,ambayo pia yanaweza kuwa hayatabiriki kuyakabili.

Walifanyiwa utafiti wanandoa nchini Marekani,ambao wote walikuwa na umri wa miaka 50, mnamo mwaka 1990 ambao waliulizwa juu ya afya zao kuhusiana na maisha yao wakichunguzwa kwa miaka miwili,miwili ndani ya utafiti uliofanywa kwa miaka ishirini.

Asilimia thelathini na mbili ya ndoa ziliishia kwa kuachana na asilimia ishirini na nne zilivunjika kutokana na vifo vya mmoja wa wanandoa.

Kikosi cha utafiti kiliongozwa na Amelia Karraker, ambaye ni profesa msaidizi juu ya masuala ya maendeleo ya binaadamu na utafiti juu ya familia kutoka katika chuo cha Iowa State University,analinganisha matukio ya namna nne kansa,magonjwa ya moyo,kiharusi na magonjwa ya njia ya hewa kwa wanawake na wanaume na matokeo ya ndoa.

Utafiti huo umebainisha kwamba , kuna tofauti ya kujisikia mgonjwa sana na huwezi kupika chakula cha jioni, ama unahitaji mtu hasa wa kukulisha masuala haya yanaweza kubadili upepo ndani ya ndoa .

Katika hali hiyo,utafiti huo hauoneshi dhahiri kuwa mume ama mke anadai talaka,takwimu kamili zinaonesha kwamba wanawake ni wepesi zaidi kuomba talaka kuliko wenza wao.

Bi Karraker anasema amegundua kwamba inawezekana baadhi ya wanawake huachwa kwasababu ya huduma zao ama kushindwa kuhudumia familia.

Tafakari juu ya Uhai ama kifo husababisha watu wajitafiti wenyewe na kujiuliza maswali muhimu kuwa ni nini muhimu maishani mwao? Anaeleza mtafiti huyo.

Wanawake wakati mwingine huribuka kwa kusema kuwa waume zao hawawajali,na hawafurahishwi na suala hilo ama husema sikufurahishwa na mwanzo wa mahusiano yao, na wansema kwamba wako radhi kubaki peke yao kuliko kujitosa katika ndoa isiyofaa. Chanzo BBC