Wakina mama timizeni wajibu wenu msiwaachie dada wa kazi

WANAWAKE kama wazazi wametakiwa kutimiza

jukumu lao la malezi ya familia kwani wengi wao

kutokana na hali halisi ya maisha wameacha kufanya kazi hiyo na kuwaachia wadada wa kazi.
Mwito huo ulitolewa na Mjumbe wa Halmashauri Kuu ya Taifa (NEC) ya Chama Cha Mapinduzi (CCM)

kupitia wilaya ya Lindi Mjini, Mama Salma Kikwete

wakati akizungumza na viongozi wa Halmashauri Kuu ya Tawi ya chama hicho, katika matawi ya Barabara ya Mchinga, Mitandi Magharibi na Kusini na Rutamba.

Mama Kikwete alisema kutokana na hali halisi ya

maisha, baadhi ya akinamama wana majukumu

mengi ya kazi na jukumu la malezi ya watoto

wamewaachia dada wa kazi, jambo ambalo sio zuri

kwa makuzi ya mtoto.

“Tunajua kutokana na hali halisi ya maisha,

wanawake wengi wanahangaika kufanya kazi ili

wapate fedha zitakazosaidia kuinua kipato cha familia, lakini hata kama una majukumu mengi jioni ikifika

jitahidi ukae na familia yako mle pamoja chakula cha jioni, kwa kufanya hivyo utajua matatizo

yanayowakabili. Imefikia hatua mama akimlisha

chakula mtoto wake aliyemzaa yeye mwenyewe

anakataa kula lakini akilishwa na dada wa kazi

anakula na akinamama wengine hata chai ya kunywa na mumewe anatengewa na dada wa kazi badilikeni jamani,” alisisitiza Mama Kikwete.

CHANZO: HABARI LEO