Jeshi la polisi mkoani Singida, linamshikilia kijana
Jumanne Yusuph miaka thelasini na tatu mkazi wa kijiji cha mtamaa‘a’,katika
manispaa ya singida,kwa tuhuma ya kuhusika na mauaji ya mama yake mzazi.
Kamanda wa polisi
mkoani Singida, Thobias Sedoyeka,
amesema kuwa,tukio hilo lilitokea jana, saa
12 alfajiri, huko katika kijiji cha mtamaa ‘a’, huku akimtaja marehemu huyo
aliyejulikana kwa jina la Tausi Abdalah Miaka Hamsini na Sita, na kueleza kuwa
siku ya tukio, kijana huyo alikwenda nyumbani kwa marehemu saa kuminambili
alfajiri, kisha akamchinja au kumkata shingoni mama yake, ambaye alipoteza uhai
papo hapo.
Akifafanua zaidi juu ya tukio hilo,Sedoyeka amesema
kuwa,aprili 16 Mwaka huu, mtuhumiwa alifika kwa mama yake na kubomoa sahemu ya
nyumba yake, kabla ya kumkamata mbwa na hatimaye kumchinja, kisha akatokomea
zake kusikojulikana.
Kamanda Sedoyeka amesema kuwa,kutokana na historia ya
mtuhumiwa kufanya fujo mara kwa mara, ndugu walimkamata na kumpeleka Hospitali
ya mkoa wa Singida, lakini baada ya uchunguzi alirejea nyumbani na kutokana na
marehemu kuwa na hofu, ilibidi akalale
kwa majirani na siku iliyofuata,majira ya alfajiri alirejea nyumbani kwake, kwa
ajili ya kumjulia hali kijana huyo, na hapo ndipo alipokamatwa na kuuawa kwa
kuchinjwa.
Kamanda Sedoyeka akielezea zaidi amesema kijana huyo baada ya kumuuwa mama yake alikwenda kwa mama
yake mkubwa kutoa tarifa, kisha tena akaenda kwa mwenyekiti wa kijiji
kumjulisha kuwa, amefanya mauaji ya mama yake,na kabla ya mauaji hayo siku za
nyuma mtuhumiwa alifanya tukio la kuwaua ng’ombe watatu wa mama yake kwa
kuwacharanga na panga, wakati wakiwa machungani.
Hata hivyo, Sedoyeka amesema kuwa, tayari wanamshikilia
kijana huyo, kwa ajili ya uchunguzi zaidi, ikiwemo kumpeleka hospitalini, ili
kupimwa akili zake,kutokana na tukio hili, Sedoyeka amewataka wananchi wa mkoa
wa singida na taifa kwa ujumla, kuchukua tahadhari, dhidi ya ndugu na jamaa,
wanaoonekana kuwa na matatizo mbalimbali, ikiwemo maradhi ya akili.
ITV
No comments:
Post a Comment